Rusia ka akuzuar për herë të parë SHBA-në për përfshirje të drejtpërdrejtë në luftën në Ukrainë.
Një zëdhënës i ministrisë së mbrojtjes së Moskës pretendoi se SHBA po miratonte objektiva për artilerinë Himars të prodhuar nga Amerika, të përdorur nga forcat e Kievit.
Gjenerali Igor Konashenkov tha se telefonatat e përgjuara mes zyrtarëve ukrainas zbuluan lidhjen. BBC nuk mund ta verifikonte këtë në mënyrë të pavarur.
Rusia ka akuzuar më parë Uashingtonin për një “luftë proxy” (një luftë e nxitur nga një fuqi e madhe e cila vetë nuk përfshihet) në Ukrainë.
“Është administrata Biden ajo që është drejtpërdrejt përgjegjëse për të gjitha sulmet me raketa të miratuara nga Kievi në zonat e banuara dhe objektet e infrastrukturës civile në vendbanimet e Donbass dhe rajoneve të tjera që shkaktuan vdekje masive të civilëve”, tha zoti Konashenkov.
Në prill, Ministri i Jashtëm rus, Sergei Lavrov tha se vendimi i Presidentit të SHBA-së, Joe Biden, për të furnizuar Ukrainën me miliarda dollarë armë do të thotë “Nato, në thelb, është përfshirë në një luftë me Rusinë përmes një përfaqësuesi dhe po e armatos atë përfaqësues”.
“Lufta do të thotë luftë”, paralajmëroi 72-vjeçari./UBTNews/