Pentagoni konfirmoi se Shtetet e Bashkuara të Amerikës do të fillojnë trajnimin e 90 deri në 100 ushtarëve ukrainas në sistemin raketor Patriot, javën e ardhshme në Fort Sill në Oklahoma.
Sipas CNN-it, trajnimi do të fillojë në tokën amerikane dhe do të zgjasë “disa muaj”.
“Pasi të dalë në fushë, Patriot… do të kontribuojë në aftësitë e mbrojtjes ajrore të Ukrainës dhe do t’i ofrojë një aftësi tjetër popullit ukrainas për t’u mbrojtur kundër sulmeve ajrore të vazhdueshme të Rusisë”, tha sekretari i shtypit i Pentagonit, Pat Ryder.
Ryder konfirmoi se programi i trajnimit të kombinuar të armëve do të fillojë që në fillim të javës së ardhshme dhe “nuk do të kërkojë rritje të konsiderueshme ose ndonjë rritje në aspektin e trajnuesve amerikanë” që do të vendosen në Evropë./UBTNews/