Pentagoni ka deklaruar se ekziston një “shqetësim” se Viktor Bout — i cili u kthye në Rusi dje në një shkëmbim të burgosurish për Brittney Griner — mund të kthehet në tregtinë e paligjshme ndërkombëtare të armëve.
“Unë mendoj se ekziston një shqetësim se ai do të kthehet për të bërë të njëjtën lloj pune që ka bërë në të kaluarën”, u tha gazetarëve një zyrtar i lartë i mbrojtjes.
Bout thuhet se është tregtari më i suksesshëm i armëve në dekadat e fundit, duke nxitur konflikte në Afrikë dhe më gjerë. Ai po vuante një dënim me 25 vjet burg në SHBA me akuzën e komplotit për të vrarë amerikanë, për të blerë dhe eksportuar raketa kundërajrore dhe për të ofruar mbështetje materiale për një organizatë terroriste.
Zyrtari tha se Departamenti i Mbrojtjes do të vazhdojë të punojë me partnerët e tij në Afrikë për të kuptuar faktorët aktual të rrezikut në tregtinë ndërkombëtare të armëve./UBTNews/