Presidenti amerikan, Joe Biden do të takohet me liderët palestinezë në Bregun Perëndimor të premten para se të udhëtojë për një samit në Arabinë Saudite. Takimi i tij me presidentin palestinez, Mahmoud Abbas ka të ngjarë të jetë i tensionuar, thonë analistët, pasi raportet u acaruan nën administratën Trump.
Po atë ditë, Biden do të udhëtojë drejt Arabisë Saudite për t’u takuar me sundimtarin e saj de-fakto, princin Mohammed bin Salman. Biden do të takohet edhe me princin dhe babanë e tij, mbretin Salman.
Dy vjet më parë, Biden ishte zotuar ta bënte Arabinë Saudite një “paria” për vrasjen e shkrimtarit Jamal Khashoggi në vitin 2018 nga agjentët sauditë. Princi saudit e mohoi përfshirjen, por inteligjenca amerikane arriti në përfundimin se ai e miratoi atë.
Tema të diskutimit do të jenë furnizimi me energji, të drejtat e njeriut dhe bashkëpunimi rreth çështjeve të sigurisë./UBTNews/