Sot është duke vazhduar gjykimi i ish-krerëve të UÇK-së në Hagë, ku pasdite pritet që pas deklaratave hyrëse të avokatëve, të deklarohen edhe Kadri Veseli e Rexhep Selimi.
Përpara Veselit e Selimit, ishte ish-presidenti i vendit, Hashim Thaçi, ai i cili në deklaratën e dhënë pa betim mohoi edhe një herë të gjitha akuzat me të cilat e ngarkon ZPS-ja.
Ndër të tjera, Thaçi tha se “viktimat nuk arrijnë të marrin drejtësi kur ndiqen të pafajshmit”.
“Një padrejtësi nuk mund të zgjidhet me një padrejtësi tjetër”, deklaroi Thaçi.