Zyra e OKB-së për të drejtat e njeriut ka thënë se punëtorët mund të mos kenë shtëpi ku të kthehen dhe të përballen me rreziqe të mëdha nga vazhdimi i luftimeve në territor.
“Unë e kuptoj se në mesin e këtyre njerëzve që po kthehen janë ata punëtorë palestinezë dhe pacientë spitalorë që ishin arrestuar pas 7 tetorit”, u tha gazetarëve në Gjenevë zëdhënësja Elizabeth Throssell.
“Ne ishim shumë të shqetësuar që të paktën 4,000 punëtorë palestinezë dhe pacientë spitalorë u ndaluan pa bazë të mjaftueshme ligjore në objektet ushtarake pasi Izraeli ua hoqi lejet”, tha ajo.
“Ka raporte shqetësuese se disa po kthehen në Gaza, pavarësisht nga graviteti i situatës atje”, shtoi Throssell.
“Nuk e dimë saktësisht se ku; ndoshta nuk është e qartë nëse ata kanë edhe një shtëpi për të shkuar; dhe është një situatë tepër e vështirë dhe e rrezikshme”./UBTNews/