Filipinet urdhëruan ushtrinë e saj të rrisë praninë e tyre në Detin e Kinës Jugore të enjten, duke përmendur një “kërcënim” nga forcat kineze në rrugën ujore të diskutueshme, kjo pas “aktiviteteve” kineze aty pranë.
Kjo vjen dy ditë pasi mediat raportuan se Pekini ka filluar të rikuperojë më shumë tokë në ishujt e kontestuar Spratly.
Departamenti i Mbrojtjes tha se kishte udhëzuar forcat e armatosura “të forcojnë praninë e vendit në Detin e Filipineve Perëndimore, pas aktiviteteve të monitoruara kineze pranë ishullit Pagasa”.
Zyrtarët nuk specifikuan natyrën e këtyre aktiviteteve.
Pekini pretendon pothuajse të gjithë Detin e Kinës Jugore të pasur me burime, përmes të cilit kalojnë triliona dollarë tregti çdo vit. Kërkuesit rivalë janë Filipinet, Vietnami, Malajzia, Brunei dhe Tajvani.
Kina ka injoruar një vendim të vitit 2012 nga një gjykatë e mbështetur nga OKB se pretendimi i saj është i pabazë.
Vitet e fundit ajo ka ndërtuar ishuj artificialë në shkëmbinj nënujorë ndërsa ndërton objekte ushtarake dhe pista ajrore./UBTNews/