Një nga partnerët më të rëndësishëm të platformës Twitter thotë se po shqyrton mundësinë e përfundimit të kontratës me platformën për shkak të ndryshimeve të fundit të politikave.
Anti-Defamation League (ADL) thotë se vendimi i befasishëm i Elon Musk për të rikthyer llogarinë e ish-presidentit Donald Trump është “i rrezikshëm dhe jokonsistent”. Edhe rikthimi i reperit Kanye West në platformë ka ngjallur reagime.
Twitter nuk iu përgjigj kërkesës për koment, por në faqen e saj të reklamave, kompania thotë se ka “marrëdhënie të frytshme të gjata me grupet dhe organizatat kryesore të të drejtave civile, përfshirë këtu NAACP, ADColor dhe Anti-Defamation League”.
Sipas ADL-së, Musk u takua me grupin e të drejtave civile më 1 nëntor dhe iu dha garanci se personat që ishin ndaluar nga platforma nuk do të riktheheshin pa një proces transparent dhe të qartë, duke i marrë parasysh edhe pikëpamjet e shoqërisë civile./UBTNews/