Prania e paqeruajtësve të Kombeve të Bashkuara, mangësitë e të cilëve mund të zhgënjejnë popullsinë lokale, nuk është një “shkop magjik” për zonat e konfliktit, tha udhëheqësi i tyre Jean-Pierre Lacroix.
Nga Libani te Republikani Demokratik i Kongos (DRC), nga Sudani i Jugut në Saharanë Perëndimore, rreth 90,000 të ashtuquajturat Helmeta Blu shërbejnë nën flamurin e OKB-së, të përfshirë në 12 operacione të veçanta.
Këto misione nuk kanë gjithmonë miratim unanim në terren, si në Mali, ku paqeruajtësit e OKB-së janë detyruar nga qeveria të largohen, ose në DRC ku disa banorë kanë shprehur armiqësi.
Megjithatë, paqeruajtësit mbrojnë çdo ditë “qindra mijëra civilë”, tha Lacroix, nënsekretari i përgjithshëm i OKB-së për operacionet e paqes, në një intervistë për AFP.
Ndonjëherë mandatet e tilla mbrojtëse “ngrenë pritshmëri që ne nuk mund t’i përmbushim, për shkak të kapaciteteve që kemi, për shkak të buxhetit që kemi, për shkak të terrenit dhe kufizimeve logjistike”, pranoi ai./UBTNews/