Vatikani është pjesë e një misioni paqeje për t’i dhënë fund luftës në Ukrainë, tha Papa Françesku të dielën.
“Misioni është në vazhdim tani, por nuk është ende publik. Kur të jetë publik, do ta zbuloj”, u tha Françesku gazetarëve.
Papa i bëri komentet ndërsa kthehej në Romë pas një udhëtimi tre-ditor në kryeqytetin hungarez, Budapest.
Gjatë vizitës së tij, Françesku u takua me një përfaqësues të kishës ortodokse ruse pro-Kremlinit, Mitropolitan Hilarion dhe veçmas me kryeministrin hungarez Viktor Orban.
I pyetur nëse takimet mund të përshpejtojnë paqen, Françesku tha: “Besoj se paqja bëhet gjithmonë duke hapur kanale; Paqja nuk mund të bëhet kurrë me mbyllje”.
Gjithashtu i pyetur nëse ai ishte i gatshëm të ndihmonte në lehtësimin e kthimit të fëmijëve ukrainas të çuar në Rusi, Papa tha: “Selia e Shenjtë është e gatshme të veprojë sepse është e drejtë, ashtu është”./UBTNews/