Kryeministri japonez, Yoshihide Suga njoftoi të premten se Japonia do të zgjasë gjendjen e jashtëzakonshme për nëntë prefektura deri më 20 qershor, pak muaj para fillimit të Lojërave Olimpike.
Suga tha se pavarësisht rënies së shkallës së infeksionit në Osaka dhe Tokyo, rastet vazhdojnë të jenë në nivele të larta dhe spitalet në Osaka janë të mbingarkuara.
“Infeksioni është në rënie këtë ditë, por sidoqoftë situata është ende e paparashikueshme. Duke e marrë parasysh situatën, kam vendosur ta zgjasë masën e gjendjes së jashtëzakonshme”, deklaroi ai.
Pak para njoftimit të kryeministrit, kryetarja e Lojërave Tokyo 2020, Seiko Hashimoto, tha se ajo priste që kjo të ndodhte dhe shtoi se zyrtarët olimpikë nuk do të merrnin ndonjë vendim për spektatorët derisa të hiqej gjendja e jashtëzakonshme./UBTNews