Oxfam thotë se numri i përditshëm i vdekjeve të palestinezëve në luftën e Izraelit në Gaza tejkalon atë të çdo konflikti tjetër të madh në shekullin e 21-të.
“Ushtria izraelite po vret palestinezë me një normë mesatare prej 250 personash në ditë, që tejkalon masivisht numrin ditor të vdekjeve të çdo konflikti tjetër të madh të viteve të fundit”, tha Oxfam në një deklaratë.
Organizata ndërkombëtare e ndihmës dha një listë të numrit mesatar ditor të vdekjeve në konflikte të ndryshme që nga fillimi i shekullit: 96.5 në Siri, 51.6 në Sudan, 50.8 në Irak, 43.9 në Ukrainë, 23.8 në Afganistan dhe 15.8 në Jemen.
Oxfam thotë se jetët e palestinezëve në Gaza janë në rrezik për shkak të urisë, sëmundjeve dhe të ftohtit, si dhe bombardimeve izraelite, dhe përsëriti se vetëm 10 për qind e ushqimit të nevojshëm mund të depërtojë në atë zonë./UBTNews/