Presidentja e Kosovës, Vjosa Osmani, ka qëndruar sot në Mitrovicë të Jugut, ku ka uruar Faton Pecin për marrjen e detyrës së Kryetarit të Komunës, për të cilën ai u betua të premten, më 12 dhjetor.
Peci e priti Presidenten Osmani në takim zyrtar, ndërsa në ambientet e komunës ajo u prit edhe nga dy vajza, të cilat i dhuruan lule.
Presidentja e uroi Pecin për detyrën e re, ndërsa më pas së bashku u drejtuan drejt zyrës së kryetarit. Pas përfundimit të takimit, është paralajmëruar edhe një deklarim për media.