Kryetarja e Kuvendit të Kosovës, Vjosa Osmani ka kërkuar drejtësi dhe llogaridhënie institucionale për Kujtim Veselin, i mituri që u vra një vit më parë. Osmani deklaroi se shteti ka dështuar në mbrojtjen e Kujtimit.
“Vrasja e Kujtim Veselit është pasojë e dështimit të dyfishtë. Është dështim i bashkëndjesisë njerëzore si dhe është dështim i përgjegjësisë dhe profesionalizmit institucional. Derisa mungesa e të parës është gjithmonë brengosëse dështimi institucional është dështim kolektiv shoqëror. Dëshmi për vite të tëra për gjithë ne si shtet dhe shoqëri që kemi dështuar të dënojmë dhe luftojmë sa duhet racizmin ndaj komuniteteve romë, ashkëlinj dhe egjiptian. Të marrësh njerëz njerëzisht është akti më i pafalshëm pavarësisht kush e bënë dhe çfarë rrethana e bënë, apo ndaj kujt e bënë këtë akt. Por në rastin e Kujtimit, dështoi shteti në mbrojtjen e tij”, ka thënë Osmani.
Osmani ka apeluar që raste të tilla mos të ndodhin në të ardhmen dhe institucionet të jenë më të përgjegjshme.
“Dështuam në mënyrë sistematike për të parandaluar keqtrajtimin dhe vrasjen e Kujtimit. Dhunimi seksual dhe vrasja e Kujtim Veselit kanë qenë të parandaluese. Këtë e ka konstatuar edhe Avokati i Popullit në raportin e publikuar enkas për këtë rast. Dështimi i institucioneve në parandalimin e vrasjes së Kujtimit shpërfaq edhe racizmin institucional diskriminuese dhe ndaj komuniteteve”, tha ajo.
Për këtë rast është dorëzuar edhe një peticion nga shoqëria civile me moton “Drejtësi për Kujtimin”, i nënshkruar nga më shumë se 1 mijë e 300 qytetarë.