“Devijimi i ushqimit është absolutisht i papranueshëm dhe ne mirëpresim angazhimin e qeverisë së Etiopisë për të hetuar dhe për të mbajtur përgjegjës përgjegjësit”, tha drejtoresha ekzekutive e WFP, Cindy McCain.
Rreth 20 milionë etiopianë mbështeten në ndihmën ushqimore për shkak të thatësirës dhe konfliktit, nga popullsia e vendit prej rreth 120 milionë banorësh. Pjesa më e madhe e ndihmës vjen nga USAID dhe Programi Botëror i Ushqimit.
Pezullimet sollën shqetësime se kequshqyerja mund të rritet në vendin e dytë më të populluar të Afrikës.
USAID, WFP dhe qeveria etiopiane nuk kanë thënë se kush është përgjegjës për devijimin e ushqimit, të cilin SHBA e ka përshkruar si “të përhapur dhe të koordinuar”.
Megjithatë, një memo e brendshme e përgatitur nga një grup përfaqësuesish të donatorëve të huaj dhe e parë nga AP këtë javë, vuri në dukje përfshirjen e qeverisë.
“Skema duket se është e orkestruar nga qeveria federale dhe rajonale e entiteteve të Etiopisë, me njësi ushtarake në të gjithë vendin që përfitojnë nga ndihma humanitare”, thuhet në dokument./UBTNews/