India do të bëhet vendi më i banuar në botë, duke e kaluar Kinën me pothuajse tre milionë banorë më shumë deri në mesin e vitit 2023, sipas të dhënave të Organizatës së Kombeve të Bashkuara (OKB).
Të dhënat demografike të publikuara të mërkurën nga Fondi i Kombeve të Bashkuara për Popullsinë (UNFPA) vlerësojnë se popullsia e Indisë do të arrijë në 1,4286 miliardë kundrejt 1,4257 miliardë banorëve të Kinës.
Vitin e kaluar, popullsia e Kinës ra për herë të parë në gjashtë dekada, një kthesë historike që pritet të shënojë fillimin e një periudhe të gjatë rënieje të numrit të banorëve të saj. Vlerësohet se kjo do të ketë implikime të thella për ekonominë e saj dhe botën./UBTNews/