Të hënën, Organizata Botërore e Shëndetësisë tha se COVID-19 është ende një emergjencë globale shëndetësore, por pranoi se pandemia është në një “pikë tranzicioni”.
Komiteti i Urgjencës i Rregulloreve Ndërkombëtare të Shëndetit të OBSH-së diskutoi rreth pandemisë të premten në takimin e 14-të mbi COVID-19. Drejtori i Përgjithshëm i OBSH-së, Tedros Adhanom Ghebreyesus u pajtua që urgjenca e shëndetit publik me shqetësim ndërkombëtar, ose deklarata PHEIC, duhet të vazhdojë.
Në një deklaratë të lëshuar të hënën, komiteti këshillimor i OBSH-së tha se i kërkoi OBSH-së të propozojë “mekanizma alternativë për të ruajtur fokusin global dhe kombëtar në COVID-19 pas përfundimit të PHEIC”.
Në listën e rekomandimeve të përkohshme, Tedros tha se vendet duhet të vazhdojnë vaksinimin e njerëzve dhe të përfshijnë vaksinat Covid-19 në kujdesin rutinë; përmirësimin e mbikëqyrjes së sëmundjeve; të mbajnë një sistem të fortë të kujdesit shëndetësor për të shmangur një “cikël paniku-neglizhimi”; të vazhdojnë të luftojnë dezinformimin; dhe të rregullojnë masat e udhëtimit ndërkombëtar bazuar në vlerësimin e rrezikut./UBTNews/