Organizata Botërore e Shëndetësisë (OBSH) ka thënë se operacionet, përfshirë amputimet, po kryhen në Rripin e Gazës pa anestezi për shkak të furnizimeve jashtëzakonisht të ulëta.
OBSH është një nga disa organizatat që kërkon më shumë ndihmë për të hyrë në enklavë dhe për “pauza humanitare” për të lejuar të lënduarit më të rëndë të dalin nga Rripi.
Një zëdhënës tha gjithashtu se mbi 16 punëtorë shëndetësorë kishin vdekur që nga shpërthimi i luftës.
“Mbi 16 nga punonjësit e kujdesit shëndetësor kanë vdekur në detyrë duke u kujdesur për të lënduarit dhe të sëmurët”, tha Christian Lindmeier.
“Këta janë njerëzit që e mbajnë sistemin shëndetësor përmes përkushtimit, duke gjetur disi një mënyrë për të mbajtur një nivel shërbimi”./UBTNews/