Organizata Botërore e Shëndetësisë (OBSh) njoftoi të premten se ndryshimet klimatike po nxisin një rritje të rasteve me kolera, duke paralajmëruar se situata veçse po komplikohet nga mungesa e vaksinave dhe vetëm do të përkeqësohet nëse nuk eliminohet së shpejti.
OBSh-ja po i përgjigjet shpërthimeve të kolerës në 29 vende, përfshirë Haitin, i cili ka më shumë se 1 mijë e 200 raste të konfirmuara, më shumë se 14 mijë raste të dyshuara dhe më shumë se 280 vdekje të raportuara. Këtë javë, Haivi pranoi 1.2 milion doza të vaksinave të kolerës.
Por OBSh tha se rezervat e vaksinave ishin jashtëzakonisht të ulëta — dhe se prodhuesit nuk ishin entuziastë për prodhimin e një vaksine që synon kryesisht disa nga vendet më të varfra në botë.
“Nëse nuk e kontrollojmë shpërthimin tani, situata do të vazhdojë të përkeqësohet”, u tha gazetarëve në Gjenevë, Philippe Barboza, drejtuesi i ekipit të OBSh-së për kolerën.
Ai tha se nivelet e vdekshmërisë janë jashtëzakonisht të larta për shumicën e vendeve për të cilat agjencia shëndetësore e OKB-së ka të dhëna./UBTNews/