Numri i rusëve që hynë në Finlandë përmes kufirit tokësor me Rusinë të dielën u dyfishua krahasuar me të dielën e kaluar, konfirmoi roja kufitare finlandeze.
Të dielën, 8 mijë e 314 rusë hynë në Finlandë përmes kufirit tokësor finlandez-rus – dyfishi i numrit të një jave më parë, shkroi në Twitter Matti Pitkäniitty, kreu i punëve ndërkombëtare të rojes kufitare.
Nëse përfshihen edhe ata të së shtunës, 16 mijë e 886 rusë arritën në total, e disa prej tyre tranzit drejt vendeve tjera.
Pas njoftimit të Kremlinit për “mobilizim të pjesshëm”, Rusia u përball me protesta mbarëkombëtare dhe një eksod të qytetarëve që po largohen nga vendi.
Të mërkurën e kaluar, ministri finlandez i Mbrojtjes, Antti Kaikkonen tha se vendi i tij po e monitoron nga afër situatën./UBTNews/