Njohësi i çështjeve të sigurisë, Avni Islami ka shpërndarë në rrjete sociale një fotografi që siç ka thënë ai, dëshmon lidhjen e shtetit serb me agresionin në Banjskë të Zveçanit, ku mbeti i vrarë rreshteri policor, Afrim Bunjaku ndërsa u plagos një tjetër.
“Në fotografi shihet djali i presidentit të Serbisë Aleksandër Vuçiq me disa pjesëtar të sulmit terrorist në Banjskë të Zveçanit.
Dëshmi se në sulmin terrorist në Banjska ishte i implikuar shteti i Serbisë! Në këtë foto, shihet djali i Aleksander Vuqiqit – Danilo Vucic së bashku me disa pjesëtar të grupit terrorist të Banjska. Foto është e vitit 2018. Këtu shihet që janë Marko Djukic, Danijel Djukic dhe Lazar Radenkovic. Fotografia është realizuar në “Bajova kula Beach Bar & Restaurant” në Mal të Zi”, shkruan Arifi në Facebook.
Tutje, ai ka dhënë edhe sqarime të tjera.
“Sqarim në foto 1,2 dhe 3 -e:
1.Lazar Radenkovic
2. Danijel Djukic (njeri nga personat me te afert te M. Radoicic)
3. Marko Djukic (vëllau i Danijel Djukic, i cili gjithashtu kujdeset per sigurine personale të familjes se M. Radoicic, respektivisht djalit te tij, Petar Radoicic)”, përfundon Arifi.
Në orët e para të 24 shtatorit, rreth orës 02:43 minuta, Kosova u trondit nga një sulm i terrorist në fshatin Banjskë të Zveçanit, ku si pasojë mbeti i vrarë rreshteri i Policisë së Kosovës, Afrim Bunjaku, ndërsa u plagos zyrtari policor Alban Rashiti.
Ndaj sulmit terrorist në veri, reaguan krerët e shtetit, duke e quajtur sulm ndaj shtetit të Kosovës, por edhe bashkësia ndërkombëtare.
Udhëheqësi i grupit terrorist, Milan Radojiciq vazhdon të endet i lirë në Serbi, ani pse ka marrë vetë përgjegjësinë për sulmin e 24 shtatorit.