Sot në në Kampin e Njësive Speciale të Policisë së Kosovës në Vrellë, pas një trajnimi tremujor është mbajtur ceromonia e diplomimit të 36 zyrtarëve policorë të cilët përfunduan trajnimin për operatorë të Njësisë Speciale Operative (NJSO).
Të pranishëm në ketë ceremoni ishin ministri i Punëve të Brendshme, Xhelal Sveçla, Drejtori i Përgjithshëm i Policisë së Kosovës, Gazmend Hoxha, Avery Riffe nga ICITAP – Ambasada Amerikane, përfaqësues nga KFOR-i amerikan, menaxhmenti i lartë i PK-së si dhe eprorë e zyrtarë nga Departamenti i Njësive Special të PK-së.
Sveçla dhe Hoxha në fjalimin e tyre uruan operatorët e rinj të NJSO-së dhe në të njëjtën kohë i inkurajuan që të punojnë me profesionalizëm, integritet dhe përgjegjësi.