Një zyrtar çek i mbrojtjes tha se punëtorët ukrainas të trajnuar mund të plotësojnë mijëra vende të lira pune në industrinë çeke të armëve për të ndihmuar në përmbushjen e kërkesës së shkaktuar nga lufta në Ukrainë.
Republika Çeke ka qenë një nga ofruesit kryesorë të armëve për Kievin në mesin e aleatëve të NATO-s qëkur Rusia pushtoi Ukrainën më 24 shkurt. Megjithatë, dërgesat kanë varfëruar keq inventarin dhe zyrtarët kanë paralajmëruar se mund të duhen vite për t’u rimbushur. Disa prodhues çekë të armëve kanë sinjalizuar tashmë se duhet të rrisin fuqinë e tyre punëtore.
“(Do të ketë) mijëra vende pune”, citohet të ketë thënë zëvendësministri i Mbrojtjes, Tomas Kopecny nga Radio Çeke, duke sugjeruar se punëtorët mund të vijnë nga Ukraina, industria e armëve të së cilës është shënjestruar nga sulmet ruse./UBTNews/