Rreshteri Nicolas Mazier, një parashutist i Forcave Ajrore, “ra në luftim gjatë kryerjes së misionit të tij”, tha në një deklaratë pallati presidencial Élysée.
Macron shprehu ngushëllimet e tij në një mesazh të postuar në platformën X, e njohur më parë si Twitter.
“Rreshteri Nicolas Mazier po luftonte për Francën, për sigurinë tonë. I rënë në Irak, i gjithë kombi mban zi për të”, tha Macron.
Një burim i sigurisë irakiane në qytetin e Kirkukut tha se një operacion i përbashkët i trupave irakiane anti-terror dhe forcave speciale franceze të stacionuara në bazën K1 në Kirkuk u “prit” nga militantët e grupit të Shtetit Islamik (IS), sipas AFP.
Në një betejë që zgjati “më shumë se pesë orë”, një numër i panjohur i trupave franceze si dhe tre anëtarë të forcave antiterroriste të Irakut u plagosën, shtoi burimi.
Mazier është ushtari i tretë francez që vritet në Irak ditët e fundit./UBTNews/