Policia e Kosovës ka sekuestruar një pushkë automatike, dy pistoleta dhe 92 fishekë gjatë kontrollit në një shtëpi në Rahovec.
Kontrolli është kryer pas informatave inteligjente lidhur me dyshimet për posedim të paautorizuar të armëve. Zyrtarët e Stacionit Policor në Rahovec kanë lokalizuar vendbanimin dhe të dyshuarin, ndërsa kontrolli është realizuar me pëlqimin e tij dhe me udhëzim të prokurorit.
Gjatë kontrollit, policia ka gjetur dhe sekuestruar një pushkë automatike, dy pistoleta, 92 fishekë të kalibrave të ndryshëm dhe katër karikatorë.
I dyshuari është shoqëruar në Stacionin Policor në Rahovec, ku është intervistuar në prani të autoriteteve përkatëse.
Në koordinim me prokurorin e shtetit, ndaj tij është iniciuar rast për veprën penale “Mbajtja në pronësi, kontroll ose posedim i paautorizuar i armëve”.
Pas përfundimit të procedurave, i dyshuari është liruar./A.K/