Presidenti ukrainas, Volodymyr Zelensky mbajti një minutë heshtje para adresimit të tij në një konferencë për krimet e luftës në Hagë, Holandë, përmes videolidhjes të enjten, vetëm disa orë pasi një sulm vdekjeprurës me raketë goditi qytetin qendror të Ukrainës, Vinnytsia.
“Këtë mëngjes, raketat ruse goditën qytetin tonë Vinnytsia – një qytet i zakonshëm dhe i qetë. Raketat e lundrimit goditën dy ndërtesa të komunitetit; shtëpitë janë shkatërruar, një qendër mjekësore është shkatërruar, makinat dhe tramvajet janë djegur. Ky është akt i terrorit rus. Njerëzit s’mund ta bëjnë këtë, ata janë kafshë. 12 njerëz kanë vdekur si pasojë e këtij sulmi, në mesin e tyre dhe tre fëmijë”, deklaroi Zelensky.
Në një deklaratë përmbyllëse, Zelensky iu referua takimit të prokurorëve dhe gjyqësorit në Hagë si një akt “shpëtimi” për të drejtën ndërkombëtare./UBTNews/