Macet janë kudo në ishullin lindor të Mesdheut, shtëpia e dëshmive më të hershme të zbutjes së kafshës dhe i njohur nga disa si “ishulli i maceve”.
Shumë nga macet e ishullit janë endacake. Ato enden sipas dëshirës në kopshtet e njerëzve, ulen pranë restoranteve me shpresën për një kafshatë të shijshme dhe enden pranë koshave të plehrave.
Peritoniti infektiv i maces (FIP), i cili nuk është i transmetueshëm te njerëzit, është përhapur me shpejtësi në të gjithë Qipron muajt e fundit, duke qenë “shumë ngjitës” midis maceve, tha veterineri Kostis Larkou.
Mbrojtësit e kafshëve thonë se numri i maceve që vdesin nga sëmundjet është dukshëm më i lartë se 107 rastet e FIP të raportuara zyrtarisht nga ministria e bujqësisë.
“Ne kemi humbur 300,000 mace që nga janari” nga FIP, tha Dinos Ayiomamitis, kreu i Cats PAWS dhe nënkryetar i Cyprus Voice for Animals.
Ekspertët thonë se popullsia e maceve të ishullit është e barabartë ose edhe e tejkalon popullsinë njerëzore prej pak më shumë se një milion.
Në jug, Ayiomamitis vlerëson se një e treta e maceve i janë nënshtruar virusit. Macet me FIP kanë simptoma si ethe, ënjtje të barkut, dobësi dhe ndonjëherë edhe agresivitet.
Por me kaq shumë mace endacake, gjendja shëndetsore ka rezultuar e vështirë për t’u diagnostikuar dhe dokumentuar./UBTNews/