Rastet e një infeksioni bakterial të rrezikshëm dhe shumë vdekjeprurës kanë arritur nivele rekord në Japoni, shkruan il messaggero.it
Që nga 2 qershori, Ministria japoneze e Shëndetësisë ka regjistruar 977 raste të sindromës së shokut toksik streptokoksik, me një shkallë vdekshmërie deri në 30%. Midis janarit dhe marsit, 77 njerëz vdiqën nga ky infeksion.
Ekspertët besojnë se sistemi imunitar i dobësuar i njerëzve pas COVID-19 mund të jetë një nga shkaqet e rritjes së mprehtë të rasteve.
Sindroma e shokut toksik streptokoksik është një nga format më të rralla dhe më agresive të infeksionit streptokok të tipit A.
Gjendja mund të përkeqësohet me shpejtësi, edhe në 24-48 orë, dhe të shkaktojë simptoma të tilla si temperaturë e lartë, hipotension, takikardi, si dhe dështim të organeve të ndryshme dhe vdekje.