Një person ka vdekur dhe nëntë persona janë lënduar në një aksident trafiku që ka ndodhur në fshatin Shajkovc të Podujevës.
Policia e Kosovës njofton se aksidenti ka ndodhur në mes të një traktori dhe tri veturave.
“Fsh.Shajkovc, Podujeve 09.12.2020-17:30. Raportohet se ka ndodhur aksident trafiku në mes të një traktori dhe tre veturave. Si pasojë e aksidentit dhjetë persona meshkuj kosovarë kane pësuar lëndime trupore dhe të njëjtit janë dërguar për tretman mjekësor ne QKUK, njeri prej tyre, si pasojë e lëndimeve të marra ka ndërruar jetë, vdekjen e ka konstatuar mjeku kujdestar. Me vendim të prokurorit trupi i pa jetë i viktimës mashkull kosovar dërgohet në IML për obduksion, ndërsa drejtuesi i traktori – i dyshuari mashkull kosovar dërgohet në mbajtje”, thuhet në raportin e PK-së./UBTNews