Një person ka vdekur dhe katër të tjerë janë lënduar në një vetaksident që ka ndodhur sot në autostradën “Ibrahim Rugova” rreth orës 13:30. Rastin e ka konfirmuar për UBTNews, zëdhënësi i Policisë së Kosovës, Bajram Krasniqi.
“Sot, më 19.08.2022, rreth orës 13:30, në autostradë drejtimi Vërmicë-Gjurgjicë (kilometri i 56-të), ka ndodhur një aksident trafiku. Në aksident është përfshirë vetëm një veturë (vet-aksident). Si pasojë e aksidentit një person ka humbur jetën dhe katër të tjerë kanë pësuar lëndime. Policia dhe ekipe tjera kanë dalë në vend-ngjarje”, thuhet në njoftim./UBTNews/