Një grua saudite është dënuar me 45 vjet burg për postimet e saj në rrjetet sociale. Ky është rasti i dytë i këtij lloji brenda një muaji, thonë aktivistët.
Një gjykatë për terrorizëm dënoi Nourah bint Saeed al-Qahtani për “përdorim të internetit për të rrënuar strukturën sociale” dhe “shkelje të rendit publik duke përdorur mediat sociale”, raportoi grupi i të drejtave Dawn. Nuk dihet shumë për të, përveç faktit që ajo kritikoi liderët sauditë.
Edhe një grua tjetër u dënua me 34 vjet burg për postimet e saj në Twitter, më 9 gusht.
Abdullah Alaoudh, drejtor i kërkimit për rajonin e Gjirit në Dawn, tha për BBC se grupi e kuptoi rreth rastit të Qahtanit vetëm pasi pranoi dokumentet gjyqësore nga një burim gjyqësor dhe se po vazhdon të hetojë rastin.
Edhe disa aktiviste të tjera femra thuhet se janë arrestuar në lidhje me postimet e tyre në rrjete sociale që nga viti i kaluar./UBTNews/