Një dorëshkrim i çmuar në bibliotekën e Universitetit të Miçiganit, që besohet se ishte shkruar nga astronomi i famshëm italian, Galileo Galilei është falsifikim, njoftoi universiteti.
Dokumenti një faqësh, i njohur si “dorëshkrimi Galileo”, nuk mund të gjurmohet më herët se viti 1930 dhe ka mundësi që është shkruar nga falsifikuesi famëkeq italian, Tobia Nicotra, thuhet në një deklaratë.
Lidhur me këtë ka nisur një hetim, pasi Nick Wilding, profesor i historisë në Universitetin e shtetit të Gjeorgjisë, kontaktoi kuratorin e universitetit, Pablo Alvarez. Wilding vuri në pikëpyetje filigranin dhe origjinën e dorëshkrimit dhe shprehu dyshimet mbi vërtetësinë e tij.
Ndër aspektet që Wilding vuri në pikëpyetje ishte vetë letra, veçanërisht monogramet në filigranin e gazetës që e datojnë letrën jo më herët se shekulli i 18-të.
Nicotra ishte burgosur për dy vjet në vitin 1934 për falsifikim, përfshirë edhe të dokumenteve të Galileos./UBTNews/