Një vajzë 12-vjeçare që vrau veten i tha një infermiereje se ishte “ngacmuar dhe injoruar” katër muaj para se të vdiste.
Charley-Ann Patterson tha se ishte izoluar në internet dhe nuk arriti të pajtohej me miqtë e saj për shkak të kufizimeve të COVID-19. Ajo u gjet e vdekur në shtëpinë e saj në Cramlington, Northumberland, më 1 tetor të vitit 2020.
Prindërit e saj u kanë bërë thirrje familjeve që të ndërgjegjësohen për rreziqet e bullizmit.
Infermierja e avancuar e pediatrisë, Rachel Bell tha se Charley “përmendi bullizmin dhe pak izolimin në shkollë dhe në internet”.
Në seancën rreth rastit të saj, infermierja tha: “Kur fëmijët ngacmohen në shkollë, ata shpesh lehtësohen kur janë në shtëpi”.
“Kur [miqtë] e bllokonin atë në internet, ajo nuk mund të shkonte tek ata në shkollë për t’u pajtuar. Ajo ndihej mjaft e izoluar”, deklaroi ajo tutje.
Bell i tha hetuesit se Charley iu shpreh asaj edhe për vënien në dyshim të seksualitetit të saj, që nuk i pëlqente mënyra se si dukej dhe “ndjenja se duhej të ndëshkonte veten”./UBTNews/