Ndërrimi i gomave të verës me ato të dimrit për automjete sipas ligjit në fuqi ka nis sot (e mërkurë) dhe do të zgjasë deri më datën 15 mars.
Policia e Kosova ka apeluar te të gjithë pjesëmarrësit në trafik që të kenë kujdes të shtuar për fillimin e sezonit dimëror ku ndryshimet atmosferike janë të pranishme.
Policia po ashtu ka apeluar që të gjithë ngasësit e automjeteve të ndërrojnë gomat para fillimit të sezonit dimëror, si dhe të kujdesen që ajri i gomave të jetë sipas rekomandimeve të prodhuesit në temperatura të ulëta.
“Policia e Kosovës apelon për të gjithë pjesëmarrësit në trafik që të kenë kujdes të shtuar për fillimin e e sezonit dimëror ku ndryshimet atmosferike janë të pranishme. Sigurohuni që gomat e automjetit tuaj janë ndërruar para fillimit të sezonit dimëror, gjithashtu presioni i ajrit të tyre duhet të jetë sipas rekomandimeve të prodhuesit, në temperaturat e ulëta”, thuhet në njoftimin e policisë.