Në Lidhjen Demokratike të Kosovës thonë se askush nuk ka dhënë dorëheqje, as kryesia e LDK-së e as kryetari në detyrë, Isa Mustafa.
Ky i fundit siç thonë nga kjo parti vetëm ka ofruar dorëheqjen të cilën do t’i ofrojë Kuvendit të LDK-së.
“Sot, do të takohet Kryesia e Lidhjes Demokratike të Kosovës për përgatitjen e Kuvendit të LDK-së për zgjedhjen e Kryetarit të ri. Për sqarim të opinionit, Kryesia e LDK-së nuk është në dorëheqje, si e cilësojnë disa media, por me autoritet të plotë deri në riorganizimet që mund të ndodhin pas zgjedhjes së Kryetarit. Vetem Kryetari i LDK-së ka paralajmëruar dorëheqje, të cilën do t’ia ofrojë Kuvendit të LDK-së”, thuhet në njoftim.
Sot do të mblidhet kryesia e LDK-së, ku do të diskutohet për përgatitjen e Kuvendit të LDK-së për zgjedhjen e kryetarit të ri./UBTNews