Mishi është nga ato ushqime që prej shekujsh konsumohet në çdo kulturë. Mund ta gatuani në mënyra nga më të ndryshmet, të pjekur të zier madje edhe të freskët në formën e tartarit.
Megjithatë jo gjithnjë është kaq popullor dhe i dashur për t’u konsumuar, ndonjëherë vetëm aroma e tij bën që njerëzit të qëndrojnë larg. Sipas ekspertëve ekziston një reagim të cilin mund ta quajmë “neveria ndaj mishit” që është i përhapur edhe tek mishngrënësit dhe jo vetëm tek vegjetarianët.
Përse ndodh?
Në një studim nga Universiteti i Exter u zbuluar se “neveria ndaj mishit” është më e përhapur se ajo ndaj ushqimeve të tjera. Pjesmarrësve i’u treguan foto të ndryshme të pjatave të mishit të cilat konsumohen çdo ditë dhe i’u kërkua t’i rendisin nga më pak të neveritshmet tek ato që ju ngjallnim më tepër neveri. Rreth 75% e mishngrënësve dhe më shumë se 20% e vegjetarianëve patën vlerësime negative përsa i përket mishit të treguar në këto foto. Niveli më i ulët i “nverisë ndaj mishit” u shënua tek personat të cilët e konsumojnë pak mishin
Çfarë thonë ekspertët?
Mbi këto gjetje studiuesit thonë se faktori i “neverisë” ndaj këtij ushqimi kaq popullor lidhet shumë me stilin e jetesës. Sipas ekspertëve ky studim është mjaft i rëndësishëm për të gjithë ata persona të cilët duan të ulin sasinë e konsumimit të mishit. Një mënyrë e mirë mund të jetë reduktimi gradual i mishit dhe konsumimi i tij kur e ndjeni vërtetë të nevojshme./AgroWeb