Sondazhet sugjerojnë se politikani veteran i Likud do të jetë në gjendje të formojë koalicion me mbështetjen e ‘Religious Zionism’, që planifikon ndryshime të mëdha.
Hadash-Ta’al ka arritur të kalonte pragun për të hyrë në parlament, i njohur si Knesset, dhe ndoshta do të merrte katër vende.
Por shifrat i dhanë bllokut të Netanyahut një shumicë, me 61 ose 62 prej 120 vendeve në Knesset, të mjaftueshme për të formuar një qeveri.
Blloku qendror i kryeministrit në largim Yair Lapid ishte parashikuar të merrte 54-55 vende. Dhe “Religious Zionism” antidemokratik, anti-liberal, anti-palestinez, homofobik, liderët e të cilit mbrojnë minimin e sistemit të drejtësisë izraelite, krijimin e testeve të besnikërisë për qytetarët palestinezë dhe dëbimin e atyre që konsiderohen “të pabesë”, dukej se do të bëhej partneri kryesor i Netanyahut.
Grupi i ekstremit të djathtë parashikohet të fitojë të paktën 14 vende krahasuar me gjashtë në zgjedhjet e fundit.
“Ekstremizmi në këtë vend po rritet”, tha Anwar Ghazal, 53 vjeç, ndërsa shikonte ekranin. “Është e rrezikshme për arabët. Kjo është ajo që ne u përpoqëm të shpjegonim në të gjithë fushatën tonë, ata duhet të votojnë. Netanyahu është po aq i rrezikshëm. Situata nuk është e mirë. Është e tmerrshme”./UBTNews/