Nesër në Kampusin Inovativ të UBT-së në Lipjan me fillim nga ora 17:00 do të hapet ekspozita e titulluar “Shift, the perspective”, me veprat e krijuara nga studentët e talentuar të Fakultetit Art dhe Media Digjitale.
Këta artistë po kërkojnë të mundësojnë një ndryshim në perspektivë, duke tërhequr vëmendjen mbi rëndësinë e procesit krijues.
Ekspozita do të jetë e hapur për publikun nga data 31.05.2023 deri më 07.06.2023 dhe përmban një gamë të larmishme veprash arti, instalacionesh dhe shfaqjesh.
Punimet e instaluara janë të studentëve nga viti i parë, dytë dhe tretë.