Nesër do të mbyllen përkohësisht për qarkullim dy rrugë në Prishtinë, pasi do të zhvillohet dueli ndërmjet Robin Krasniqit dhe Nadjib Mohammedit.
Siç ka informuar komuna e Prishtinës, nesër (e shtunë) do të mbyllen rrugët “Enver Zymberi” dhe “Rinia” nga ora 07:00 deri të dielën në orën 07:00.
“Kërkojmë mirëkuptimin e qytetarëve për largimin e veturave nga parkingjet përreth stadiumit “Fadil Vokrri”, ka bërë të ditur komuna.
Dueli ndërmjet Robin Krasniqit dhe Nadjib Mohammedit do të zhvillohet nesër (e shtunë) nga ora 18:30.