Negociatorët arritën një marrëveshje historike në një konferencë të Organizatës së Kombeve të Bashkuara për biodiversitetin mëngjesin e së hënës, që do të jetë përpjekja më e rëndësishme për të mbrojtur tokën dhe oqeanet e botës, si dhe për të ofruar financime kritike për të shpëtuar biodiversitetin në botën në zhvillim.
Korniza globale vjen një ditë para se Konferenca e Kombeve të Bashkuara për Biodiversitetin, ose COP15, të përfundojë në Montreal të Kanadasë. Kina, e cila mban presidencën në këtë konferencë, publikoi një draft të ri gjatë ditës, që i dha vrull bisedimeve.
Pjesa më e rëndësishme e marrëveshjes është zotimi për të mbrojtur 30% të tokës dhe ujit që konsiderohen të rëndësishme për biodiversitetin deri në vitin 2030. Aktualisht, 17% e tokës dhe 10% e zonave detare janë të mbrojtura./UBTNews/