Trupat e 1,150 civilëve janë gjetur në rajonin e Kievit që nga fillimi i pushtimit rus, tha të mërkurën shefi i policisë rajonale të Kievit, Andriy Nebyton.
“Ne kemi gjetur dhe ekzaminuar 1,150 trupa të qytetarëve civilë që u vranë dhe ia dorëzuam mjekësisë ligjore”, tha Nebyton në një video të postuar në kanalin e tij në YouTube.
Nebyton theksoi se “këta ishin civilë, jo ushtarakë, të cilët nuk kishin asnjë përfshirje me Mbrojtjen Territoriale apo entitete të tjera ushtarake”.
Shumica e viktimave janë nga rajoni i Buçës dhe kjo e fundit kryeson në numrin e trupave që janë gjetur, tha Nebyton, duke shtuar se “50-70% vdiqën nga plagët me armë zjarri, të qëlluara me pushkë automatike”.
Presidenti ukrainas Volodymyr Zelensky ka fajësuar Rusinë për vrasjet dhe i ka bërë thirrje Moskës të ndalojë kryerjen e “krimeve të luftës”.
Kremlini ka mohuar çdo përfshirje në vrasjet masive, ndërsa ka përsëritur pretendimet e pabaza se imazhet e trupave të civilëve në rrugët e Bucha janë të rreme./UBTNews/