Presidenti francez Emmanuel Macron dhe kryeministri i Mbretërisë së Bashkuar, Rishi Sunak pak më parë mbajtën një konferencë shtypi në Paris.
Macron thotë se Franca dhe Britania e Madhe “po bëjnë gjithçka” në mënyrë që lufta të mos përhapet në pjesë të tjera të botës.
“Ne duhet të gjejmë një përfundim për këtë [situatë]”, thotë ai.
Udhëheqësi francez thotë se vendi i tij dëshiron të punojë së bashku me Britaninë në mënyrë që “të zhvillojë një strategji të përbashkët”, kjo përfshin bashkëpunimin energjetik.
Ai shton se bisedimet me z. Sunak në Paris kanë qenë një “ri-lidhje” dhe një “fillim i ri” për marrëdhëniet midis dy vendeve dhe i kanë lejuar ata “të koordinohen më mirë”.
“Ne kemi vendosur për veprime konkrete së bashku për trajnimin e ushtrisë ukrainase dhe segmente me vlerë të lartë”, shton ai.
Sunak thotë se Mbretëria e Bashkuar do të trajnojë marinsat ukrainas.
“Ne kemi rënë dakord të trajnojmë marinsat ukrainas, duke ndihmuar për t’i dhënë Ukrainës një avantazh vendimtar në fushën e betejës dhe që Ukraina të fitojë këtë luftë”, tha ai./UBTNews/