Ushtria ruse njoftoi një korridor “të hapur dhe të sigurt” për civilët ukrainas që të largohen nga kryeqyteti, Kiev, të hënën, përcjell UBT News.
“Ne i bëjmë thirrje popullit të Kievit. Të gjithë civilët në qytet mund të largohen lirisht nga kryeqyteti i Ukrainës përgjatë autostradës Kiev-Vasilkov (Vasilkiv). Kjo rrugë është e hapur dhe e sigurt”, tha gjeneralmajor rus Igor Konashenkov, zëdhënësi i Ministrisë ruse së Mbrojtjes, në një deklaratë.
“Edhe një herë dua të theksoj se forcat e armatosura të Federatës Ruse godasin vetëm objektivat ushtarake. Popullsia civile nuk është në rrezik”.
Të paktën 352 civilë në Ukrainë janë vrarë që nga fillimi i pushtimit, duke përfshirë 14 fëmijë. Autoritetet ukrainase kanë akuzuar forcat ruse se kanë shënjestruar infrastrukturën civile, duke përfshirë edhe ndërtesat e banimit dhe shkollat.
Deklarata e Konashenkov përfshin gjithashtu një pretendim të pabazë se qeveria ukrainase po përdorte banorët e Kievit si një “mburojë njerëzore”, duke përsëritur një pretendim se “nacionalistët” ukrainas kanë vendosur artileri në zonat e banuara të kryeqytetit.
Ekipet e CNN në Kiev kanë parë vullnetarë civilë ukrainas, madje edhe anëtarë të Parlamentit, duke marrë armët dhe duke bërë përgatitje për të mbrojtur kryeqytetin./UBTNews/