Numri i njerëzve në Jemenin e shkatërruar nga lufta, që vuajnë nga uria, parashikohet të pesëfishohet këtë vit në 161,000, paralajmëruan agjencitë e OKB-së, mes frikës për mungesë të madhe të ndihmave, përcjell UBT News.
Mbi 30,000 njerëz tashmë po përballen me mungesë urie, thanë në një deklaratë të përbashkët Organizata e OKB-së për Ushqimin dhe Bujqësinë (FAO), fondi i OKB-së për fëmijë UNICEF dhe Programi Botëror i Ushqimit (WFP).
Duke e quajtur rritjen e mprehtë “jashtëzakonisht shqetësuese”, deklarata e përbashkët vjen dy ditë përpara një konference të nivelit të lartë për të rritur ndihmat për Jemenin, pasi rritet frika se pushtimi rus i Ukrainës kërcënon furnizimet globale të ushqimit.
Jemeni varet pothuajse tërësisht nga importet e ushqimit, me gati një të tretën e furnizimeve të grurit që vijnë nga Ukraina, tha OKB.
Lufta në Ukrainë pas pushtimit të Rusisë “ka të ngjarë të çojë në tronditje të konsiderueshme të importeve, duke nxitur më tej çmimet e ushqimeve”, tha OKB.
“Ne duhet të veprojmë tani”, tha David Gressly, koordinatori humanitar i OKB-së për Jemenin.
Rezultatet e IPC-së të hënën treguan se 17.4 milionë njerëz nga 29 milionë banorët e Jemenit po përballen me nivele të larta të pasigurisë akute ushqimore dhe totali ka gjasa të rritet këtë vit në 19 milionë.
Raporti tha se 2.2 milionë fëmijë janë të kequshqyer në mënyrë akute në Jemen, duke përfshirë “gati më shumë se gjysmë milioni fëmijë që përballen me kequshqyerje të rëndë akute, një gjendje kërcënuese për jetën”.
“Në Jemen, gjithnjë e më shumë fëmijë po shkojnë në shtrat të uritur”, tha shefja e UNICEF-it, Catherine Russell.
Jemeni është shkatërruar nga një luftë civile shtatëvjeçare midis rebelëve Huthi të mbështetur nga Irani dhe qeverisë së njohur ndërkombëtarisht, të mbështetur nga një koalicion ushtarak i udhëhequr nga Arabia Saudite.
Qindra mijëra njerëz janë vrarë në luftë dhe miliona janë zhvendosur./UBTNews/