Sot, edhe zyrtarisht ka filluar fushata e korrje-shirjeve në Komunën e Ferizajt.
Nga afër këtë fushatë e ka ndjekur edhe kryetari i komunës së Ferizajt, Agim Aliu, në parcelat e fermerit Shukri Sallahu nga fshati Zllatar.
Kryetari Aliu ka shkruar në Facebook se 4000 hektarët e mbjella me grurë në Ferizaj, në disa rajone rendimenti është deri 4 tonelata për hektarë.
“Si edhe fermerë tjerë, Shukri Sallahu nga fshati Zllatar, nisi fushatën e korrje-shirjeve të grurit në mbi 100 hektarët e mbjella prej tij. Sipas specialistëve nga 4000 hektarët e mbjellura me grurë në Ferizaj, në disa rajone rendimenti është 4 tonelata për hektarë, kurse si mesatare e përgjithshme e Ferizajt hambarit të grurit i sigurohen 3,5 tonelata për hektarë”, ka shkruar Aliu në Facebook.