Organizata Botërore e Shëndetësisë (OBSH) këtë javë organizoi një ngjarje në të cilën u diskutua se si industria e kujdesit shëndetësor po formësohet nga teknologjia dixhitale.
Kërcënimi real i rritjes së rolit të inteligjencës artificiale (AI) në kujdesin shëndetësor vjen si pasojë e “mungesës së rregullimit”, sipas drejtorit rajonal evropian të Organizatës Botërore të Shëndetësisë.
“Treni i inteligjencës artificiale është larguar. Pra, në këtë kuptim, ne duhet ta përqafojmë atë dhe duhet të kemi një qasje pozitive”, tha Dr Hans Kluge për Euronews Next në margjinat e simpoziumit të OBSh-së për të ardhmen e shëndetit në një epokë dixhitale.
“Ka mundësi fantastike për zhvillimin e ilaçeve të reja, për shembull, edhe në depistim”, shtoi ai.
“Por sigurisht, kërcënimi i vërtetë është mungesa e rregullimit të inteligjencës artificiale. Baza e mjekësisë është primum non nocere: para së gjithash, mos bëni dëm. Dhe ky është çelësi që duhet të bëjnë qeveritë, të rregullojnë pa u mbytur”, deklaroi ai./UBTNews/