Zyrtarët indianë të shëndetësisë kanë urdhëruar një prodhues të shurupës së kollës që të ndalojë prodhimin pas vdekjes së fëmijëve në Gambia.
Maiden Pharmaceuticals theu rregullat “në të gjitha aktivitetet e saj të prodhimit dhe testimit”, thanë rregullatorët indianë.
Organizata Botërore e Shëndetësisë (OBSh) lëshoi një alarm global për katër nga shurupet e kollës Maiden të lidhur me vdekjen e pothuajse 70 fëmijëve.
Në Indi dhe Gambi po zhvillohen hetime lidhur me këtë shurup. Rregullatorët thanë se kanë pezulluar të gjitha aktivitetet prodhuese në firmën me bazë në New Delhi, pasi zbuluan se kjo firmë theu një sërë rregullash sigurie.
Javën e kaluar, kompania tha se u trondit pas raportimeve të mediave në lidhje me viktimat dhe tha se është thellësisht e prekur nga ky incident. Kjo erdhi pasi OBSh lëshoi një alarm global mbi katër shurupet e kollës Maiden, duke paralajmëruar se ato mund të lidhen me dëmtimet akute të veshkave dhe vdekjen e fëmijëve në korrik, gusht dhe shtator./UBTNews/