Procesi për ratifikimin e Suedisë dhe Finlandës si anëtarët më të rinj të NATO-s u nis zyrtarisht të martën, tha shefi i aleancës ushtarake, Jens Stoltenberg, duke shënuar një hap historik të sjellë nga lufta e Rusisë në Ukrainë.
“Kjo është një ditë e mirë për Finlandën dhe Suedinë dhe një ditë e mirë për NATO-n. Me 32 kombe rreth tryezës, ne do të jemi edhe më të fortë dhe njerëzit tanë do të jenë edhe më të sigurt, pasiqë përballemi me krizën më të madhe të sigurisë në dekada“, u tha Stoltenberg gazetarëve në një deklaratë të përbashkët shtypi me ministrat e jashtëm suedez dhe finlandez. /UBTNews/