Njoftimi i Rusisë se do të zhvendosë armët taktike bërthamore në Bjellorusi është “i rrezikshëm dhe i papërgjegjshëm”, tha një zëdhënës i NATO-s për CNN të dielën.
“NATO është vigjilente dhe ne po e monitorojmë nga afër situatën. Ne nuk kemi parë ndonjë ndryshim në qëndrimin bërthamor të Rusisë që do të na bënte të rregullonim tonën”, tha në një deklaratë zëdhënësja e NATO-s, Oana Lungescu.
“Aleatët e NATO-s veprojnë me respekt të plotë të angazhimeve të tyre ndërkombëtare. Rusia ka thyer vazhdimisht angazhimet e saj për kontrollin e armëve, së fundmi duke pezulluar pjesëmarrjen e saj në Traktatin START”, tha ajo.
“Rusia duhet t’i kthehet pajtueshmërisë dhe të veprojë me mirëbesim”, tha Lungescu./UBTNews/