Deputeti i Lidhjes Demokratike të Kosovës (LDK), Besian Mustafa, në debatin parlamentar për ngritjen e çmimeve enorme të produkteve, ka deklaruar se qytetarët po e ndiejnë veten më të varfër.
Ai në foltoren e Kuvendit, tha se ka rritje enorme të çmimeve në produktet bazike.
“Kemi një rritje enorme të çmimeve nga energjia dhe produktet bazë në këtë vend. Qytetarët kanë rrogat e njëjta. Në vend se të kërkojnë falje dhe mundohen të gjejnë zgjidhje, kjo qeveri mundohet të na citojë raporte akademike të FMN-së dhe Bankës Botërore përderisa qytetarët e Kosovës çdo ditë e më shumë e ndiejnë veten më të varfër dhe jo më të pasur”, tha ai.